പ്രവാസികൾക്ക് സന്തോഷ വാർത്ത; വിമാനയാത്രാ നിരക്ക് കുറയുന്നു

മലപ്പുറം: ഗൾഫിൽ നിന്ന് കേരളത്തിലേക്കുള്ള വിമാനയാത്ര നിരക്കിൽ ഒട്ടും പ്രതീക്ഷിക്കാത്ത സാഹചര്യത്തിലാണ് കുത്തനെയുള്ള വർദ്ധനവ് ഉണ്ടായത്. മൂന്നിരട്ടി വർദ്ധനവാണുണ്ടായത്. രണ്ട് വർഷത്തെ ഇടവേളയ്ക്ക് ശേഷം ഈദ് ആഘോഷങ്ങളുടെ പശ്ചാത്തലത്തിലാണ് വിമാനക്കമ്പനികൾ നിരക്ക് വർധിപ്പിച്ചത്. എന്നാൽ ഇപ്പോൾ പ്രവാസികൾക്ക് ആശ്വാസ വാർത്ത എത്തിയിരിക്കുകയാണ്. കമ്പനികൾ ടിക്കറ്റുകളുടെ വില കുറച്ചു.

Thank you for reading this post, don't forget to subscribe!

ഗൾഫിൽ നിന്ന് കേരളത്തിലേക്കുള്ള യാത്രക്കാരുടെ എണ്ണം കുറഞ്ഞതോടെ ടിക്കറ്റ് നിരക്ക് കുറയ്ക്കാൻ വിമാനക്കമ്പനികൾ മുന്നോട്ട് വന്നിട്ടുണ്ട്. ഓഗസ്റ്റ് ആദ്യവാരം മുതൽ ഇത് സാധാരണ നിലയിലേക്ക് മടങ്ങുമെന്നാണ് പ്രതീക്ഷിക്കുന്നത്. മധ്യവേനലവധിക്ക് ഗൾഫിലെ സ്കൂളുകൾ അടച്ചതും ബലിപെരുന്നാളും അവസരമാക്കിയാണ് വിമാനക്കമ്പനികൾ കേരളത്തിലേക്കുള്ള ടിക്കറ്റ് നിരക്ക് വർധിപ്പിച്ചത്.

ജൂലൈയിലെ ആദ്യ രണ്ടാഴ്ചകളിലാണ് ഏറ്റവും ഉയർന്ന നിരക്ക് ഈടാക്കിയത്. ഇതോടെ സാധാരണക്കാർക്ക് മടക്കയാത്ര ഉപേക്ഷിക്കേണ്ടി വന്നു. ജൂലൈ ഒന്നിന് അടച്ചിട്ടിരുന്ന സ്കൂളുകൾ ഓഗസ്റ്റ് അവസാനത്തോടെ വീണ്ടും തുറക്കുമെന്നതിനാൽ ഭൂരിഭാഗം പ്രവാസി കുടുംബങ്ങളും ഇതിനകം നാട്ടിലെത്തിയിട്ടുണ്ട്.