രാജ്യത്ത് കൊവിഡ് കേസുകൾ വീണ്ടും ഉയർന്നു; 18930 പുതിയ രോഗികൾ

രാജ്യത്ത് കൊവിഡ് കേസുകളിൽ വൻ വർദ്ധനവ്. കഴിഞ്ഞ 24 മണിക്കൂറിനുള്ളിൽ ഇന്ത്യയിൽ 18,930 പുതിയ കോവിഡ് കേസുകൾ റിപ്പോർട്ട് ചെയ്തു, ബുധനാഴ്ചയുമായി താരതമ്യപ്പെടുത്തുമ്പോൾ 4,245 കേസുകളുടെ വർദ്ധനവാണ് ഉണ്ടായിരിക്കുന്നത്. 35 മരണങ്ങളും സ്ഥിരീകരിച്ചു. ഇതോടെ കൊവിഡ് ബാധിച്ച് ജീവൻ നഷ്ടപ്പെട്ടവരുടെ ആകെ എണ്ണം 5,25,305 ആയി.

Thank you for reading this post, don't forget to subscribe!

നിലവിൽ രാജ്യത്തെ കോവിഡ്-19 രോഗികളുടെ എണ്ണം 1,19,457 ആണ്. ഇത് രാജ്യത്തെ മൊത്തം സജീവ കേസുകളുടെ 0.27 ശതമാനമാണ്, ദേശീയ രോഗമുക്തി നിരക്ക് 98.52 ശതമാനമാണ്.
രോഗം ഭേദമായവരുടെ എണ്ണം 4,29,21,977 ആയി.

കഴിഞ്ഞ 24 മണിക്കൂറിനിടെ 4,38,005 പരിശോധനകളാണ് നടത്തിയതെന്ന് കേന്ദ്ര സർക്കാർ അറിയിച്ചു. ഇന്ത്യ ഇതുവരെ 86.53 കോടിയിലധികം (86,53,43,689) പരിശോധനകൾ നടത്തി. രാജ്യത്തുടനീളം പരിശോധനാ ശേഷി വർദ്ധിപ്പിച്ചിട്ടുണ്ടെങ്കിലും പ്രതിവാര പോസിറ്റിവിറ്റി നിരക്ക് 3.86 ശതമാനമാണ്. ദൈനംദിന രോഗനിർണയ നിരക്ക് 4.32 ശതമാനമാണെന്നും സർക്കാർ അറിയിച്ചു.