GULF

മുഖ്യമന്ത്രി പിണറായി വിജയൻ ദുബായിൽ എത്തി

Pinterest LinkedIn Tumblr
Spread the love

ദുബായ്: വിദേശ യാത്രാ വിവാദങ്ങൾക്കിടെ മുഖ്യമന്ത്രി പിണറായി വിജയൻ ദുബായിൽ എത്തി. യുകെയും നോർവേയും സന്ദർശിച്ച ശേഷമാണ് മുഖ്യമന്ത്രി ദുബായിൽ എത്തിയത്. ഇത് ഒരു സ്വകാര്യ സന്ദർശനമാണെന്നും പൊതു ചടങ്ങുകളിൽ പങ്കെടുക്കില്ലെന്നുമാണ് അറിയിച്ചിരിക്കുന്നത്. അബുദാബിയിൽ താമസിക്കുന്ന മകനെയും കുടുംബത്തെയും സന്ദർശിച്ച ശേഷം 14ന് കേരളത്തിലേക്ക് മടങ്ങും.

കേന്ദ്രസർക്കാരിന്റെ അനുമതിയില്ലാതെയാണ് മുഖ്യമന്ത്രിയുടെ ദുബായ് സന്ദർശനമെന്ന ആരോപണം ഉയരുന്നതിനിടെയാണ് മുഖ്യമന്ത്രി ദുബായിൽ എത്തിയത്. യുകെ, നോർവേ, ഫിൻലാൻഡ് എന്നിവിടങ്ങൾ സന്ദർശിക്കാനായിരുന്നു കേന്ദ്രാനുമതി ലഭിച്ചത്.

എന്നാൽ, യുകെ, നോർവേ പര്യടനത്തിന് ശേഷം ദുബായ് സന്ദർശിക്കാൻ മുഖ്യമന്ത്രി തീരുമാനിക്കുകയായിരുന്നു. ഇതിന് അനുമതി തേടി കേന്ദ്രത്തിന് അപേക്ഷ സമർപ്പിച്ചിരുന്നു. എന്നാൽ ഇക്കാര്യത്തിൽ കേന്ദ്രം തീരുമാനം അറിയിക്കുന്നതിന് മുൻപ് തന്നെ മുഖ്യമന്ത്രി യു.എ.ഇയിലെത്തിയന്നാണ് വിദേശകാര്യ മന്ത്രാലയം വക്താക്കൾ പറയുന്നത്.

Comments are closed.