വിരാട് കോഹ്ലിയുടെ മറ്റൊരു റെക്കോർഡും സ്വന്തമാക്കി ബാബര്‍ അസം

വെല്ലിംഗ്ടണ്‍: ടി20യിൽ കോഹ്ലിയുടെ മറ്റൊരു റെക്കോർഡും തകർത്ത് പാകിസ്ഥാൻ ക്യാപ്റ്റൻ ബാബർ അസം. ത്രിരാഷ്ട്ര ടി20 പരമ്പരയിൽ ബംഗ്ലാദേശിനെതിരെ 40 പന്തിൽ നിന്ന് 55 റൺസ് നേടിയ ബാബർ ഓപ്പണർ മുഹമ്മദ് റിസ്വാനുമൊത്ത് (56 പന്തിൽ 69) ഓപ്പണിംഗ് വിക്കറ്റിൽ 101 റൺസ് കൂട്ടിച്ചേർത്തു. ആദ്യം ബാറ്റ് ചെയ്ത ബംഗ്ലാദേശ് 20 ഓവറിൽ ആറ് വിക്കറ്റ് നഷ്ടത്തിൽ 173 റൺസ് നേടിയപ്പോൾ പാകിസ്ഥാൻ 19.5 ഓവറിൽ മൂന്ന് വിക്കറ്റ് നഷ്ടത്തിൽ ലക്ഷ്യം മറികടന്നു.

Thank you for reading this post, don't forget to subscribe!

അന്താരാഷ്ട്ര ക്രിക്കറ്റിൽ ഏറ്റവും വേഗത്തിൽ 11,000 റൺസ് തികയ്ക്കുന്ന ഏഷ്യൻ താരമെന്ന റെക്കോർഡാണ് ബാബർ സ്വന്തമാക്കിയത്. വിരാട് കോഹ്ലിയുടെ റെക്കോർഡാണ് ബാബർ മറികടന്നത്. 251 ഇന്നിങ്സുകളിൽ നിന്നാണ് ബാബർ 11,000 റൺസ് തികച്ചത്. 261 ഇന്നിങ്സുകളിലാണ് വിരാട് കോഹ്ലി അന്താരാഷ്ട്ര ക്രിക്കറ്റിൽ 11,000 റൺസ് തികച്ചത്. 262 ഇന്നിങ്സുകളിൽ നിന്ന് 11,000 റൺസ് തികച്ച ഇന്ത്യൻ ബാറ്റിങ് ഇതിഹാസം സുനിൽ ഗവാസ്കറാണ് പട്ടികയിൽ മൂന്നാമത്.