വൈദ്യുതി, പ്രകൃതി വാതക നിരക്കിൽ ഇളവ് നൽകാൻ അബുദാബി
അബുദാബി: വ്യാവസായിക സ്ഥാപനങ്ങളുടെ സാമ്പത്തിക ആഘാതം കുറയ്ക്കുന്നതിനും ഉത്പാദനം വർദ്ധിപ്പിക്കുന്നതിനുമുള്ള ഉത്തേജക പദ്ധതിയുടെ രണ്ടാം ഘട്ടം അബുദാബി ഡിപ്പാർട്ട്മെന്റ് ഓഫ് ഇക്കണോമി ആൻഡ് ഡെവലപ്മെന്റ് ആരംഭിച്ചു. എനർജി താരിഫ് ഇൻസെന്റീവ് പ്രോഗ്രാമിലൂടെ വൈദ്യുതി, പ്രകൃതി വാതക നിരക്കുകളിൽ ഇളവുകൾ നൽകുക എന്ന ലക്ഷ്യത്തോടെയാണ് പദ്ധതി നടപ്പാക്കുന്നത്. കൊവിഡ് ആഘാതത്തിന്റെ പശ്ചാത്തലത്തിൽ 2019 ൽ പ്രഖ്യാപിച്ച ഇളവിന്റെ തുടർച്ചയാണിത്.
Thank you for reading this post, don't forget to subscribe!കമ്പനിയുടെ സാമ്പത്തിക ആഘാതം, സ്വദേശിവൽക്കരണ നിരക്ക്, വിദഗ്ധ തൊഴിലാളികളുടെ എണ്ണം, ഊർജ്ജ ഉപഭോഗത്തിലെ കാര്യക്ഷമത എന്നിവയെ അടിസ്ഥാനമാക്കിയായിരിക്കും വാതകത്തിനും വൈദ്യുതിക്കും ഇളവ് നൽകുക.
വിദേശനിക്ഷേപം ആകർഷിച്ച് അബുദാബിയെ മേഖലയിലെ ഏറ്റവും മത്സരാധിഷ്ഠിത വ്യാവസായിക കേന്ദ്രമാക്കി മാറ്റുകയാണ് അബുദാബി ഇൻഡസ്ട്രിയൽ സ്ട്രാറ്റജി ലക്ഷ്യമിടുന്നതെന്ന് സാമ്പത്തിക വികസന വകുപ്പ് ചെയർമാൻ മുഹമ്മദ് അലി അൽ ഷൊറഫ വ്യക്തമാക്കി.