ടി-20 ലോകകപ്പ് സന്നാഹ മത്സരങ്ങൾ നിശ്ചയിച്ചു

ടി20 ലോകകപ്പ് സന്നാഹ മത്സരങ്ങൾ നിശ്ചയിച്ചു. ഒക്ടോബർ 10 മുതൽ 19 വരെയാണ് സന്നാഹ മത്സരങ്ങൾ നടക്കുക. സന്നാഹമത്സരങ്ങളിൽ ഇന്ത്യ ഓസ്ട്രേലിയയെയും ന്യൂസിലൻഡിനെയും നേരിടും. ഇന്ത്യയുടെ രണ്ട് മത്സരങ്ങളും ഗബ്ബയിലാണ് നടക്കുക. ഒക്ടോബർ 16നാണ് ലോകകപ്പ് ആരംഭിക്കുന്നത്.

ഒക്ടോബർ 10ന് നടക്കുന്ന ആദ്യ സന്നാഹ മത്സരത്തിൽ വെസ്റ്റ് ഇൻഡീസ് യുഎഇയെ നേരിടും. 17ന് ഇന്ത്യ ഓസ്ട്രേലിയയെ നേരിടും. ഇന്ത്യൻ സമയം ഉച്ചയ്ക്ക് രണ്ട് മണിക്ക് ഗബ്ബയിലാണ് മത്സരം. 19ന് ഇതേ വേദിയിൽ ഇന്ത്യ ന്യൂസിലൻഡിനെ നേരിടും. ഇന്ത്യൻ സമയം വൈകിട്ട് 6 മണിക്കാണ് മത്സരം.