പൂക്കളത്തിനായി പൂന്തോട്ടമൊരുക്കി എട്ടാം ക്ലാസ് വിദ്യാർത്ഥിനി

ചങ്ങരംകുളം: ഓണത്തിന് പൂക്കളമൊരുക്കാൻ സ്വന്തം തോട്ടത്തിൽ പൂക്കളൊരുക്കി എട്ടാം ക്ലാസുകാരി ശിവ. കോക്കൂർ മഠത്തുംപുറത്ത് രമേശിന്‍റെയും മീരയുടെയും മകളായ ശിവയാണ് വീടിനടുത്ത് പൂന്തോട്ടം ഒരുക്കിയത്. നട്ട 200 തൈകളിൽ 130 തൈകൾ പൂത്തുലഞ്ഞു, ശിവ പറയുന്നു. ചാലിശ്ശേരി ഗവൺമെന്‍റ് ഹയർ സെക്കൻഡറി സ്കൂളിലെ എട്ടാം ക്ലാസ് വിദ്യാർത്ഥിയാണ് ശിവ.

ഫോട്ടോകൾ എടുക്കാൻ താൽപ്പര്യമുള്ള ശിവ പൂക്കൾ വിരിയാൻ തുടങ്ങിയ ഉടൻ തന്നെ ചിത്രങ്ങൾ എടുത്ത് ബന്ധുക്കൾക്കും സുഹൃത്തുക്കൾക്കും അയയ്ക്കാൻ തുടങ്ങി. അത്തം മുതൽ വീട്ടിൽ പൂക്കൾ തയ്യാറാക്കാൻ ശിവ തന്‍റെ പൂന്തോട്ടത്തിലെ പൂക്കൾ ഉപയോഗിക്കാൻ തയ്യാറെടുക്കുകയാണ്. ചെണ്ടുമല്ലിപ്പൂക്കൾ വിരിയിക്കാനായ ആവേശത്തിൽ ഇനി സൂര്യകാന്തിത്തോട്ടം ഒരുക്കാനുള്ള തയാറെടുപ്പിലാണ് ശിവ.