പബ്ജിയെ വെല്ലും ‘ദ ഡിവിഷൻ’; മൊബൈൽ ഗെയിമുമായി യുബിസോഫ്റ്റ്
‘ദ ഡിവിഷൻ’ എന്ന യുബിസോഫ്റ്റിന്റെ ലോകപ്രശസ്ത ഗെയിമിന്റെ മൊബൈൽ വേർഷനുമെത്തുന്നു. പബ്ജി, കോൾ ഓഫ് ഡ്യൂട്ടി തുടങ്ങിയ ഗെയിമുകൾ പോലെ ഓപ്പൺ വേൾഡ് ഗെയിമായെത്തുന്ന ഡിവിഷന്റെ മൊബൈൽ വകഭേദത്തിന്റെ പേര് ‘ദ ഡിവിഷൻ റീസർജൻസ്’ എന്നാണ്. ആൻഡ്രോയ്ഡ്-ഐ.ഒ.എസ് പ്ലാറ്റ്ഫോമുകളിൽ ഗെയിം സൗജന്യമായി തന്നെ കളിക്കാൻ സാധിക്കും. റീസർജൻസിന്റെ അപകടകരമായ ലോകം കാണിക്കുന്ന ഒരു കിടിലൻ ട്രെയിലറിനൊപ്പമാണ് ‘ദ ഡിവിഷൻ റീസർജൻസി’ന്റെ ഔദ്യോഗിക പ്രഖ്യാപനം യുബിസോഫ്റ്റ് നടത്തിയത്. ഗെയിമിന്റെ റിലീസിങ് ഡേറ്റ് പുറത്തുവിട്ടിട്ടില്ല. ഈ വർഷത്തിനുള്ളിൽ തന്നെ എത്തിയേക്കുമെന്നാണ് സൂചന.
