ലോകകപ്പ് കാണാൻ 1600 കി മീ കാൽനടയാത്ര; വ്യത്യസ്തത പുലർത്തി ഫുട്ബോൾ ആരാധകൻ

ജിദ്ദ: അടുത്ത മാസം ഖത്തറിൽ ആരംഭിക്കുന്ന ഫുട്ബോൾ ലോകകപ്പ് കാണാൻ ടിക്കറ്റ് എടുത്ത നിരവധി പേരുണ്ടാകും. എന്നാൽ ഖത്തറിന്‍റെ അയൽരാജ്യമായ സൗദി അറേബ്യയിൽ നിന്നുള്ള ഒരാൾ കാൽനടയായാണ് ലോകകപ്പിന് എത്തുക. 33 കാരനായ അബ്ദുല്ല അൽസുൽമി ജിദ്ദയിൽ നിന്ന് 1,600 കിലോമീറ്റർ നടന്നാണ് ഖത്തറിൽ ലോകകപ്പ് കാണാൻ എത്തുക.

Thank you for reading this post, don't forget to subscribe!

ജിദ്ദയിൽ നിന്ന് ഖത്തറിലെ ദോഹയിലേക്ക് കാൽനടയായി രണ്ട് മാസം കൊണ്ടാണ് ലോകകപ്പ് കാണാൻ അൽസുൽമി എത്തുക. അൽസുൽമി തന്‍റെ കാല്‍നടയാത്ര സ്നാപ്ചാറ്റിലെ ആയിരക്കണക്കിന് ഫോളോവേഴ്സിനായി വീഡിയോയായി റെക്കോർഡ് ചെയ്യുന്നുമുണ്ട്. സൗദി, ഖത്തർ പതാകകൾ തുന്നിക്കെട്ടിയ ബാക്ക് പാക്കും തലയിൽ വൃത്താകൃതിയിലുള്ള തൊപ്പിയും ധരിച്ച അൽസുൽമി കഴിഞ്ഞയാഴ്ച 340 കിലോമീറ്റർ പൂർത്തിയാക്കിയിരുന്നു.