ട്വിറ്റര്‍ മുന്‍ മേധാവി ജാക്ക് ഡോര്‍സി കമ്പനി വിട്ടു

ട്വിറ്ററിൻറെ സഹസ്ഥാപകനും മുൻ മേധാവിയുമായ ജാക്ക് ഡോർസി കമ്പനിയുടെ ബോർഡിൽ നിന്ന് രാജിവച്ചു. ട്വിറ്ററിലൂടെയാണ് എലോൺ മസ്ക് ഇക്കാര്യം അറിയിച്ചത്. “ജാക്ക് ഓഫ് ദി ബോർഡ്,” അദ്ദേഹം ട്വീറ്റ് ചെയ്തു. “അദ്ദേഹം തുടരണമെന്ന് ഞാൻ ആഗ്രഹിച്ചു, പക്ഷേ മാറാനുള്ള അദ്ദേഹത്തിൻറെ തീരുമാനം ഞാൻ മനസ്സിലാക്കുന്നു,” മസ്ക് പറഞ്ഞു.

Thank you for reading this post, don't forget to subscribe!

2021 ൽ സിഇഒ സ്ഥാനം രാജിവച്ചതു മുതൽ ഡോർസി കമ്പനി വിടാനുള്ള പ്രക്രിയയിലാണ്. ഇന്ത്യൻ വംശജനായ പരാഗ് അഗർവാൾ സ്ഥാനമൊഴിഞ്ഞതിൻ തൊട്ടുപിന്നാലെ ട്വിറ്ററിൻറെ സിഇഒ ആയി ചുമതലയേറ്റു.

കഴിഞ്ഞ മാസമാണ് എലോൺ മസ്ക് ട്വിറ്റർ ഏറ്റെടുക്കാൻ പോകുകയാണെന്ന് പ്രഖ്യാപിച്ചത്. എലോൺ മസ്ക് കമ്പനി ഏറ്റെടുക്കുന്നതിനെ ഡോർസി അനുകൂലിച്ചു.