ടെസ്‌ല ഫാക്ടറികള്‍ കടുത്ത നഷ്ടത്തിലെന്ന് ഇലോണ്‍ മസ്ക്
ടെക്സസിലെയും ബെർലിനിലെയും ടെസ്‌ല ഇലക്ട്രിക് കാർ ഫാക്ടറികൾ കനത്ത നഷ്ടം നേരിടുന്നുണ്ടെന്ന് എലോൺ മസ്ക്. ചൈനയിലെ തുറമുഖവുമായി ബന്ധപ്പെട്ട പ്രശ്നങ്ങളും ബാറ്ററികളുടെ ദൗർലഭ്യവും കാരണം ഉൽപാദനം വർദ്ധിപ്പിക്കാൻ കഴിയാത്തതിനാലാണ് തനിക്ക് നഷ്ടം സംഭവിക്കുന്നതെന്ന് മസ്ക് വിശദീകരിച്ചു.
എലോൺ മസ്കിൻറെ അഭിപ്രായത്തിൽ, ടെസ്ലയുടെ ടെക്സാസ് ഫാക്ടറി നിലവിൽ വളരെ കുറച്ച് കാറുകൾ മാത്രമേ ഉൽപ്പാദിപ്പിക്കുന്നുള്ളൂ. നേരത്തെ സൂചിപ്പിച്ച വെല്ലുവിളികൾ കാരണം പുതിയ 4680 ബാറ്ററികൾ നിർമ്മിക്കാൻ തനിക്ക് ബുദ്ധിമുട്ടുണ്ടെന്നും പരമ്പരാഗതമായി ഉപയോഗിക്കുന്ന 2170 ബാറ്ററികൾ ചൈനയിലെ തുറമുഖത്ത് കുടുങ്ങിക്കിടക്കുകയാണെന്നും മസ്ക് പറഞ്ഞു.
