മാതാപിതാക്കൾ പുകവലിച്ചാൽ കൗമാരക്കാർ ഇ-സിഗരറ്റ് ഉപയോഗിക്കാനുള്ള സാധ്യത കൂടുതലെന്ന് പഠനം
സ്പെയിൻ: സ്പെയിനിലെ ബാഴ്സലോണയിൽ നടന്ന യൂറോപ്യൻ റെസ്പിറേറ്ററി സൊസൈറ്റി ഇന്‍റർനാഷണൽ കോൺഗ്രസിൽ അവതരിപ്പിച്ച ഗവേഷണമനുസരിച്ച്, മാതാപിതാക്കൾ പുകവലിക്കുന്ന കൗമാരപ്രായക്കാർ ഇ-സിഗരറ്റ് പരീക്ഷിക്കാനുള്ള സാധ്യത 55% കൂടുതലാണ്.
ഐറിഷ് കൗമാരപ്രായക്കാരിൽ നടത്തിയ ഒരു വലിയ പഠനത്തിൽ, ഇ-സിഗരറ്റുകൾ പരീക്ഷിച്ചവരുടെ അനുപാതം ഗണ്യമായി വർദ്ധിക്കുകയാണെന്ന് കണ്ടെത്തി. ആൺകുട്ടികൾ ഇ-സിഗരറ്റ് ഉപയോഗിക്കാൻ കൂടുതൽ സാധ്യതയുണ്ടെങ്കിലും, പെൺകുട്ടികൾക്കിടയിലെ ഉപയോഗ നിരക്ക് വേഗത്തിൽ വർദ്ധിക്കുന്നുവെന്നും ഗവേഷകർ കണ്ടെത്തി.
