ദേശീയ ഗെയിംസ്; കേരളത്തിന് വേണ്ടി മൂന്നാം സ്വർണം നേടി സജന്‍ പ്രകാശ്
രാജ്‌കോട്ട്: 36-ാമത് ദേശീയ ഗെയിംസിൽ നീന്തലിൽ കേരളത്തിന്റെ സജന്‍ പ്രകാശ് മൂന്നാം സ്വർണം നേടി. പുരുഷൻമാരുടെ 50 മീറ്റർ ബീസ്റ്റ് സ്ട്രോക്ക് ഇനത്തിലാണ് സജന്‍ സ്വർണം നേടിയത്. 25.10 സെക്കൻഡിലാണ് ഫിനിഷ് ചെയ്തത്. ഈ വർഷത്തെ ദേശീയ ഗെയിംസിൽ സജന്റെ മൂന്നാമത്തെ സ്വർണവും ആറാമത്തെ മെഡലുമാണിത്.
തമിഴ്നാടിന്റെ രോഹിത് ബെനിട്ടൻ ഈ ഇനത്തിൽ വെള്ളി മെഡൽ നേടി. ഹരിയാനയുടെ സരോഹ ഹാർഷാണ് വെങ്കലം നേടിയത്.
പുരുഷൻമാരുടെ 800 മീറ്റർ ഫ്രീസ്റ്റൈൽ നീന്തൽ ഇനത്തിൽ സജന്‍ പ്രകാശ് വെങ്കല മെഡൽ നേടിയിരുന്നു. 8:12.55 സെക്കൻഡിൽ സജൻ ഫിനിഷ് ചെയ്തു. മദ്ധ്യപ്രദേശിന്റെ അദ്വൈത് പാഗേയാണ് സ്വർണം നേടിയത്. ഗുജറാത്തിന്റെ ആര്യൻ നെഹ്റ വെള്ളി മെഡൽ നേടി.
