ഇലക്ട്രിക് വാഹനങ്ങള്‍ക്ക് മാത്രമുള്ള ടയറുമായി ജെ.കെ ടയര്‍
ഇലക്ട്രിക് വാഹനങ്ങൾ റോഡുകൾ കയ്യടക്കാനുള്ള സാഹചര്യം രാജ്യത്തുടനീളം പ്രോത്സാഹിപ്പിക്കപ്പെടുന്നുണ്ട്. ഇലക്ട്രിക് വെഹിക്കിൾ പോളിസിയുടെയും ഫെയിം-2 പദ്ധതിയുടെയും ഭാഗമായി പ്രഖ്യാപിച്ച സബ്സിഡികൾ, സൗജന്യ ചാർജിംഗിനുള്ള ആനുകൂല്യങ്ങൾ, നികുതി ഉൾപ്പെടെയുള്ള ഇളവുകൾ എന്നിവയുൾപ്പെടെ രാജ്യത്തെ ഇലക്ട്രിക് വാഹനങ്ങളുടെ വളർച്ചയ്ക്കായി കേന്ദ്ര-സംസ്ഥാന സർക്കാരുകൾ പദ്ധതികൾ പ്രഖ്യാപിച്ചിട്ടുണ്ട്.
ഇന്ത്യയിലെ മുന്‍നിര ടയർ നിർമ്മാതാക്കളായ ജെകെ ടയേഴ്സ് ഇലക്ട്രിക് വാഹനങ്ങൾക്ക് മാത്രമായി പ്രത്യേക ടയർ അവതരിപ്പിച്ച് ഇലക്ട്രിക് വാഹനങ്ങൾക്ക് പിന്തുണ പ്രഖ്യാപിച്ചു. ഇലക്ട്രിക് ബസുകൾ, ട്രക്കുകൾ, എൽസിവികൾ, കാറുകൾ എന്നിവയ്ക്ക് അനുയോജ്യമായ ഇ.വി സ്‌പെസിഫിക് സ്മാര്‍ട്ട് റേഡിയല്‍ ടയറുകളാണ് ജെ.കെ. ടയേഴ്സ് വിപണിയില്‍ എത്തിക്കുന്നത്. ടയറുകൾ വിപണിയിൽ അവതരിപ്പിച്ചു. ഈ ടയറുകളിൽ ഇവി നിർദ്ദിഷ്ട നെക്സ്റ്റ്-ജെൻ ഡിസൈൻ ഫിലോസഫി ഉണ്ട്.
രഘുപതി സിംഘാനിയ സെന്റര്‍ ഓഫ് എക്‌സലന്‍സ് ഗ്ലോബല്‍ ടെക്‌നോളജി സെന്ററിലെ എന്‍ജിനീയര്‍മാരാണ് ഇലക്ട്രിക് വാഹനങ്ങൾക്ക് മാത്രമായി ഈ ടയറുകൾ വികസിപ്പിച്ചെടുത്തത്. “ഇന്ത്യയിലെ ഇലക്ട്രിക് വാഹന മേഖലയിലെ സംഭവവികാസങ്ങളുടെ പശ്ചാത്തലത്തിൽ, അത്തരം വാഹനങ്ങൾക്കായി സാങ്കേതികവിദ്യ വികസിപ്പിക്കുന്നതിൽ കമ്പനി കൂടുതൽ ശ്രദ്ധ കേന്ദ്രീകരിക്കുന്നു,” കമ്പനി പ്രസ്താവനയിൽ പറഞ്ഞു.
