കൊവിഡ് മുക്തനായി ഇന്ത്യന്‍ ക്രിക്കറ്റ് ടീം നായകന്‍ രോഹിത് ശര്‍മ
കോവിഡ്-19 ൽ നിന്ന് മുക്തനായ രോഹിത് ശർമ്മ ഇംഗ്ലണ്ടിനെതിരായ ടി 20 പരമ്പരയ്ക്ക് മുന്നോടിയായി പരിശീലനം ആരംഭിച്ചു. രവിചന്ദ്രൻ അശ്വിന്‍റെയും ഉമേഷ് യാദവിന്‍റെയും ബൗളിംഗിൽ രോഹിത് പരിശീലനം നടത്തുന്നതിന്‍റെ വീഡിയോ ബിസിസിഐ പുറത്തുവിട്ടു.
ഇംഗ്ലണ്ടിനെതിരായ അഞ്ചാം ടെസ്റ്റ് കോവിഡ്-19 ബാധയെ തുടർന്ന് രോഹിത്തിന് നഷ്ടമായിരുന്നു. പരിശോധന ആരംഭിക്കുന്നതിന് ഏതാനും ദിവസം മുമ്പാണ് രോഹിത്തിന് രോഗം സ്ഥിരീകരിച്ചത്. ഇത്രയും ദിവസമായി ഐസൊലേഷനിൽ കഴിയുന്ന രോഹിത് കളിക്കളത്തിൽ തിരിച്ചെത്തിയതിന്‍റെ സന്തോഷത്തിലാണ് ആരാധകർ. ഇംഗ്ലണ്ടിനെതിരെ മൂന്ന് ടി20 മത്സരങ്ങളും മൂന്ന് ഏകദിനങ്ങളും ഇന്ത്യ കളിക്കും. ജൂലൈ ഏഴിന് ട്വന്‍റി-20 അന്താരാഷ്ട്ര മത്സരത്തോടെയാണ് പരമ്പര ആരംഭിക്കുന്നത്.
