ദോഹ കോര്ണിഷിൽ ലോകകപ്പ് മത്സരങ്ങള് കാണാൻ ഭീമൻ സ്ക്രീനുകൾ സജ്ജമാക്കി
ദോഹ: ലോകകപ്പ് മത്സരങ്ങൾ തത്സമയം പ്രദർശിപ്പിക്കാനായി ഏറ്റവും നീളമേറിയ ഡിസ്പ്ലേ സ്ക്രീൻ മ്യൂസിയം ഓഫ് ഇസ്ലാമിക് ആർട്ടിന് എതിർവശത്തുള്ള ദോഹ കോർണിഷിൽ സ്ഥാപിച്ചു. ഏറ്റവും നൂതനമായ ഹൈ-ഡെഫിനിഷൻ വിഷ്വൽ ഡിസ്പ്ലേ സാങ്കേതികവിദ്യയും ഉയർന്ന നിലവാരമുള്ള ഓഡിയോ സിസ്റ്റവുമാണ് സ്ക്രീനിലുള്ളത്.
ദോഹ കോർണിഷ് ലോകകപ്പിന്റെ പ്രധാന കാർണിവൽ വേദിയായതിനാൽ, ആരാധകർക്ക് ഈ ഭീമൻ സ്ക്രീനിൽ മത്സരങ്ങൾ കാണാനും ചുറ്റും നടക്കുന്ന ആഘോഷങ്ങൾ ആസ്വദിക്കാനും കഴിയും. നവംബർ 20 മുതൽ ഡിസംബർ 18 വരെ നടക്കുന്ന 64 മത്സരങ്ങളും തത്സമയം സ്ക്രീനിൽ ആസ്വദിക്കാം. തങ്ങളുടെ പ്രിയപ്പെട്ട ടീമിന്റെ മത്സരങ്ങൾ കാണാൻ ടിക്കറ്റ് ലഭിക്കാത്തവർക്ക് സ്റ്റേഡിയത്തിനുള്ളിലെ അതേ ആവേശത്തോടെ ദോഹ കോർണിഷിലെ ഭീമൻ സ്ക്രീനിലൂടെ മത്സരം കാണാൻ കഴിയും.
