‘ടെക്കോവിരിമാറ്റ്’ മങ്കിപോക്സ് ചികിത്സിക്കുന്നതിൽ ഫലപ്രദമെന്ന് പഠനം

ആന്‍റിവൈറൽ മെഡിക്കേഷൻ ടെക്കോവിരിമാറ്റ് മങ്കിപോക്സ് ലക്ഷണങ്ങളുടെയും ചർമ്മ ക്ഷതങ്ങളുടെയും ചികിത്സയ്ക്ക് സുരക്ഷിതവും ഫലപ്രദവുമെന്ന് പഠനം. ഈ ആന്‍റിവൈറൽ ഉപയോഗിച്ച് മങ്കിപോക്സ് ഉള്ള രോഗികളെ ചികിത്സിക്കുന്നതിന്‍റെ ഫലങ്ങൾ വിലയിരുത്തുന്നതിനും റിപ്പോർട്ടുചെയ്യുന്നതിനുമുള്ള ആദ്യകാല പഠനങ്ങളിൽ ഒന്നിൽ നിന്നാണ് ഈ കണ്ടെത്തൽ.

സ്മോൾപോക്സ് ചികിത്സയ്ക്കായുള്ള എഫ്ഡിഎ അംഗീകൃത ആന്‍റിവൈറൽ മരുന്നാണ് ടെക്കോവിരിമാറ്റ് (ടിപിഒഎക്സ്എക്സ്). വൈറസിന്റെ വ്യാപനം ത്വരിതപ്പെടുത്തുന്ന പ്രോട്ടീന്‍റെ പ്രവർത്തനത്തെ തടഞ്ഞുകൊണ്ട് ഇത് ശരീരത്തിലെ വൈറൽ വ്യാപനത്തെ പരിമിതപ്പെടുത്തും.