62 വർഷങ്ങൾക്ക് ശേഷം വിദേശ നിക്ഷേപങ്ങള്‍ക്ക് പച്ച കൊടിയുമായി ക്യൂബ
ഹവാന: രാജ്യത്തെ ആഭ്യന്തര വ്യാപാര മേഖലയിലെ വിദേശനിക്ഷേപത്തെ ക്യൂബ സ്വാഗതം ചെയ്തു. കഴിഞ്ഞ 62 വർഷത്തിനിടയിൽ(1959ന് ശേഷം) ഇതാദ്യമായാണ് ക്യൂബൻ സർക്കാർ വിദേശനിക്ഷേപത്തെ സ്വാഗതം ചെയ്യുന്നത്. തിങ്കളാഴ്ച രാത്രിയാണ് ഇത് സംബന്ധിച്ച ഔദ്യോഗിക പ്രഖ്യാപനം നടന്നത്.
ക്യൂബയിൽ ഭാഗികമായോ പൂർണ്ണമായോ നിക്ഷേപം നടത്താൻ വിദേശ നിക്ഷേപകർക്ക് ഈ ഭേദഗതി അനുവദിക്കും. എല്ലാ പരിശോധനകളും പൂർത്തിയാക്കിയ ശേഷം മാത്രമേ വിദേശികൾക്ക് അവസരം നൽകൂ എന്നും സർക്കാർ വ്യക്തമാക്കിയിട്ടുണ്ട്.
