പ്ലാസ്റ്റിക് കൊണ്ടുള്ള പാർക്ക് ;മനോഹരമായ ഇക്കോബ്രിക് പാര്‍ക്ക്
കോലഞ്ചേരി: സെന്റ്. പീറ്റേഴ്സ് ഹയർ സെക്കൻഡറി സ്കൂളിലെ നാഷണൽ സർവീസ് സ്കീം (എൻ.എസ്.എസ്) വിദ്യാർഥികൾ കോലഞ്ചേരിക്കടുത്ത് കക്കാട്ടുപാറയിൽ നിർമിച്ചതാണ് ഇക്കോബ്രിക് പാർക്ക്. പഞ്ചായത്ത് പ്രസിഡന്റ് ടി.പി.വർഗീസ് പാർക്ക് ഉദ്ഘാടനം ചെയ്തു.
1,462 പ്ലാസ്റ്റിക് കുപ്പികളിൽ 270 കിലോയിലധികം പ്ലാസ്റ്റിക് കവറുകൾ നിറച്ചാണ് പാർക്ക് നിർമ്മിച്ചിരിക്കുന്നത്. അഞ്ച് തണൽ മരങ്ങൾക്ക് ചുറ്റും തറ നിർമ്മിച്ചിട്ടുണ്ട്. രണ്ട് ബെഞ്ചുകളും എട്ട് പ്ലാസ്റ്റിക് പാറകളും പ്ലാസ്റ്റിക് കൊണ്ടാണ് നിർമ്മിച്ചിരിക്കുന്നത്.
റോഡരികിൽ കിടക്കുന്ന ടയറുകൾ ഉപയോഗിച്ചാണ് ബെഞ്ചുകളും പൂന്തോട്ടങ്ങളും നിർമ്മിച്ചിരിക്കുന്നത്. ഇതിനുപുറമെ, മാൻ, മയിലുകൾ, ആടുകൾ, സിംഹങ്ങൾ എന്നിവയുടെ രൂപങ്ങളും ഗുഹകൾ, കാറ്റാടിയന്ത്രങ്ങൾ, ആമ്പൽ കുളങ്ങൾ, എന്നിവയും പാർക്കിന്റെ ഭംഗി വർദ്ധിപ്പിക്കുന്നു.
